ब्रेकअपपछि थामिएन प्रिज्माको मन : पूर्वप्रेमी बलेसँग मागिन् माफी !

काठमाडौं । यतिबेला टीकटक स्टार प्रिज्मा खतिवडा र सिरियल अभिनेता सागर लम्साल बले चर्चामा छन् । केही वर्षदेखि रिलेसनसिपमा दरार आएपछिको खबरले यी दुई पुनः चर्चाको केन्द्रमा छन् ।

यसैसाता राजधानीमा आयोजित कार्यक्रममा प्रिज्माले आफूलाई सम्हाल्न सकिनन् । उनले मिडिया अघि नै आँसु बगाइन् । सोही क्रममा उनले बलेसँग माफी पनि मागिन् ।

उनले पूर्वप्रेमीसँग माफी माग्नुको कारण अर्कै थियो । प्रिज्मासँगको ब्रेकअपपछि प्रशंसकले बलेमाथि गालीको वर्षा गरेका थिए । रिलेसनसिपमा दरार आउनुमा बले कारण रहेको भन्दै प्रशंसक उनीमाथि खनिएका थिए ।

उनीमाथि अश्लिल गालीहरु पनि सामाजिक संजालमा बौछार भएको थियो । यस्तोमा, आफ्नो कारणले बलेले गाली खानु परेको भन्दै प्रेसमिटमै प्रिज्मा भकान्निएकी हुन् । प्रिज्माले बलेलाई सर भनेर सम्बोधन पनि गर्छिन् ।

छलछल बोलेको म्युजिक भिडिओ सार्वजनिक कार्यक्रममा प्रिज्मा रोएकी थिइन् । किन रुनुभएको भनेर सोधिएको जिज्ञासामा प्रिज्माले आफ्नो कारणले बलेलाई गाली गरिएकोमा दुःख व्यक्त गरेको बताएकी थिइन् ।

‘म सागर सर, दर्शक र उहाँका शुभचिन्तकसँग माफी माग्न चाहन्छु’ उनले भनिन्, ‘हाम्रो कारण उहाँले गाली खानुपरेको छ । यसले मलाई दुःख लागेको छ ।’ प्रिज्मा र बले नामले चर्चित सागर केही महिनाअघि सम्बन्धबाट अलग भएका थिए ।