मतदान केन्द्र ढुकेर बसे देउवा, मतदाता प्रभावित पार्न खोजेको आरोप
नेपाल प्रेस
२०७८ मंसिर २७ गते १६:०७
काठमाडौं । नेपाली कांग्रेसको १४ औं महाधिवेशन अन्तरगत मतदान सुरु भएको केही समयलगत्तै मतदान गरेका सभापतिका उम्मेदवार शेरबहादुर देउवा फेरि मतदानस्थल पुगेका छन् ।
मतदाता मत खसाल्न जाने बाटैमा धेरैबेरदेखि देउवा बसिरहेका छन् । देउवा यसरी मतदानस्थलमा एकोहोरो बसिरहँदा मतदाता प्रभावित हुने भन्दै उनीइतरका नेता कार्यकर्ताले शंका व्यक्त गरेका छन् ।
देउवाले मत खसाल्न भित्र छिर्नै लागेका मतदातालाई नमस्कार गरिरहेका छन् ।
१२ बजेदेखि सुरु भएको मतदान प्रक्रियामा देउवासँगै अरु अधिकांश उम्मेदवारहरुले मत हालिसकेका छन् ।
अहिलेसम्म करिब एक हजार प्रतिनिधिले मत खसालेका छन् । कांग्रेसका कुल चार हजार ७४३ प्रतिनिधि मतदानमा सहभागी हुँदैछन् ।
नेपाल प्रेस
प्रकाशित: २०७८ मंसिर २७ गते १६:०७
प्रतिक्रिया
सम्बन्धित खवर
