कांग्रेस चुनाव : मतदान समय थपियो
नेपाल प्रेस
२०७८ मंसिर २७ गते १७:३५
काठमाडौं । नेपाली कांग्रेसको जारी १४औँ महाधिवेशनमा नयाँ केन्द्रीय कार्यसमिति चयनका लागि भइरहेको मतदानको समय थपिएको छ । कांग्रेस निर्वाचन समितिका अनुसार सोमबार राति ९ बजेसम्म मतदान गर्न गरी समय थपिएको हो ।
यसअघि सोमबार बिहान ८ बजेदेखि ५ बजेसम्म मतदानको कार्यतालिका थियो । तर, करिब साढे ३ घण्टा अबेर मतदान सुरू भएको थियो ।
अहिलेसम्म करिब दुई हजारले मतदान गरिसकेको निर्वाचन समितिका प्रवक्ता जगन्नाथ श्रेष्ठले जानकारी दिए । ४७ सयबढी मतदाता रहेकाले मतदानको समय थपिएको हो ।
१३ पदाधिकारीसहित १३४ पदका लागि ४८७ जना चुनावी मैदानमा छन् ।
नेपाल प्रेस
प्रकाशित: २०७८ मंसिर २७ गते १७:३५
प्रतिक्रिया
सम्बन्धित खवर
