आठ पटक सगरमाथा आरोहण गर्ने तामाङसहित पाँच जना आरोही माओवादी केन्द्रमा प्रवेश
नेपाल प्रेस
२०७८ मंसिर २७ गते २०:५९
काठमाडौं । आठ पटक सगरमाथा आरोहण गर्ने कामी सिङ्गी स्याङ्बा तामाङसहितको टोली नेकपा माओवादी केन्द्र प्रवेश गरेको छ ।
तामाङसँगै ७ पटक सगरमाथा आरोहण गर्ने सोही वडाका लाल बहादुर तामाङ, २ पटकसम्म सगरमाथाको आरोहण गर्ने मिङमार तामाङ, समाजसेवी तथा व्यवसायी नामग्याल तामाङ, नेपाली कांग्रेसका सक्रिय सदस्य तथा व्यवसायी छिरिङ तामाङ लगायत रहेका छन् ।
उनीहरुलाई माओवादी केन्द्रका अध्यक्ष पुष्पकमल दाहाल प्रचण्डले टीका लगाई पार्टी प्रवेश गराएका थिए । सो अवसरमा माओवादी केन्द्रका प्रवक्ता कृष्णबहादुर महरा, रसुवा जिल्लाका नेताहरु जगतजंग, समिर, दावा मोक्तान तामाङ लगायतका नेताहरुको उपस्थिति रहेको थियो ।
अध्यक्ष प्रचण्डले पार्टीमा प्रवेश गर्ने सबैलाई उचित जिम्मेवारी दिने बताए ।
नेपाल प्रेस
प्रकाशित: २०७८ मंसिर २७ गते २०:५९
प्रतिक्रिया
सम्बन्धित खवर
