कांग्रेस महाधिवेशन : सभापतिको मतगणना सभागृहमै हुने
नेपाल प्रेस
२०७८ मंसिर २७ गते २१:२७
फाइल तस्बिर
काठमाडौं । नेपाली कांग्रेसको सभापतितर्फको मतगणना मतदान लगत्तै सुरु हुने भएको छ ।
निर्वाचन समितिले सभापति पदको मतगणना राष्ट्रिय सभागृहमा गरिने र पदाधिकारी र सदस्यहरुको मतगणना कांग्रेस केन्द्रीय कार्यालय सानेपामा हुने जनाएको छ ।
कांग्रेस विधान अनुसार सभापतिमा निर्वाचित हुन ५० प्रतिशत मत कटाउनुपर्ने हुन्छ ।
कुनैपनि उम्मेदवारले ५० प्रतिशत मत नकटाएमा सभापति छान्न दोस्रो चरणको निर्वाचन हुनेछ । पहिलो चरणको निर्वाचनमा शीर्ष २ स्थानमा रहने उम्मेदवारबीच दोस्रो चरणमा निर्वाचन हुनेछ ।
पहिलो चरणमा सभापतिको नतिजा नआए मंगलबार पुनः दोस्रो चरणको मतदान हुनेछ ।
निर्वाचन समितिले सभापतिको नतिजा टुंग्याएपछि मात्रै पदाधिकारी र केन्द्रीय सदस्यहरुको मतगणना सुरु हुने जनाएको छ । अन्तिम परिणाम आउन कम्तीमा १ साता लाग्ने जनाइएको छ ।
नेपाल प्रेस
प्रकाशित: २०७८ मंसिर २७ गते २१:२७
प्रतिक्रिया
सम्बन्धित खवर
