एमसीसी संसदमा पेस भएपछि मात्रै एमालेले धारणा बनाउने

काठमाडौं । नेकपा (एमाले) ले अमेरिकी सहयोग परियोजना एमसीसीबारे संसद पेस भएपछि मात्रै धारणा बनाउने भएको छ । संसदको हिउँदे अधिवेशन सुरू हुनुअघि बानेश्वरमा बसेको एमाले संसदीय दलको बैककमा अध्यक्ष केपी शर्मा ओली र उपनेता सुवास नेम्वाङले सम्बोधन गरेका थिए ।

प्रमुख सचेतक विशाल भट्टराईका अनुसार दुवैजनाले एमसीसीबारे कुनै धारणा राखेनन् । एमसीसी सदनमा टेबुल भएपछि मात्रै धारणा बनाउने सहमति बैठकमा भएको भट्टराईले जानकारी दिए । अमेरिकाले छिटो निर्णयमा पुग्न दबाब दिइरहेका बेला सुरू भएको हिँउदे अधिवेशनमा एमसीसी पेस हुने ठानिएको छ ।

त्यस्तै बैठकले दुई प्रस्तावसमेत पारित गरेको छ । पहिलो प्रस्तावमा महाधिवेशन सफल पार्न लागि पर्ने सबै र सहभागिताका जनसमुदायलाई धन्यवाद दिएको र दोस्रोमा महाधिवेशनबाट निर्वाचित पदाधिकारी र सदस्यलाई बधाई दिइएको छ।

बैठकले संसद अरोधलाई निरन्तरता दिने निर्णय समेत गरेको छ । अवरोधमा यसअघि तय भएकै नारा लगाइने भट्टराईले जानकारी दिए ।