कांग्रेस निर्वाचन : सहमहामन्त्रीको गणना जारी, यस्तो छ अहिलेसम्मको परिणाम
नेपाल प्रेस
२०७८ पुष १ गते २०:४१
फाइल तस्बिर
काठमाडौं । नेपाली कांग्रेसका सहमहामन्त्रीमा भएको निर्वाचन अन्तरगत अहिले मतगणना भइरहेको छ । कांग्रेस केन्द्रीय कार्यालय सानेपामा सहमहामन्त्री अन्तरगत तीन समूहको गणना जारी रहेको छ ।
दलित, आदिवासी जनजाति र महिला समूह तर्फको महामन्त्री पदको मतगणना जारी छ ।
अहिलेसम्मको परिणाम अनुसार
दलिततर्फ १७८० मतगणना भएको छ । जसमा गङ्गा परियार ७०, जीवन परियार ८३१ र मानबहादुर विकले ८३९ मत प्राप्त गरेका छत् ।
महिलातर्फ १५०४ मतगणना भएको छ । जसमा डिना उपाध्याय ८०३ र कमला पन्तले ६८३ मत प्राप्त गरेका छन् ।
आदिवासीतर्फ ८९९ मतगणना भएको छ । जसमा भीष्मराज आङ्दम्बे ५१८ र विकास लामा ३५७ मत प्राप्त गरेका छन् ।
तीनै समूहबाट एक/एक जना विजयी हुनेछन् ।
कांग्रेस महाधिवेशनमा सभापति, उपसभापति र महामन्त्रीको गणना सम्पन्न भइसकेको छ।
नेपाल प्रेस
प्रकाशित: २०७८ पुष १ गते २०:४१
प्रतिक्रिया
सम्बन्धित खवर
