वीर अस्पतालमै बन्छ ‘कडा रोगी’ को किर्ते सिफारिस, टेण्डरमा समेत ‘नक्कली बिरामी’ कर्मचारीको चलखेल

काठमाडौं । वीर अस्पतालमा प्रदेश तथा स्थानीय तहमा समायोजन भएर गएका कर्मचारीले संघमै रहनका लागि मेडिकल बोर्डको नक्कली कागजपत्र बनाउने गरेको पाइएको छ ।

समायोजन भएको कार्यक्षेत्रमा खटिन नचाहेका केही कर्मचारीहरूको बोर्डले नक्कली सिफारिस बनाइदिने गरेको पाइएको हो ।

अस्पतालकै मेडिकल बोर्डका कर्मचारीको मिलेमतोमा नक्कली रिपोर्ट बनाएर रकम असुलीको धन्दा गर्दै आइरहेको वीर अस्पताल स्रोतले जनाएको छ ।

कर्मचारी समायोजन २०७६ को समयमा स्थानीय तहमा समायोजन भएका कर्मचारीहरूले खटाएको ठाउँमा नजान र वीर अस्पतालको स्टोर र खरिद विभागमा बसेर अनियमितता गर्न नक्कली सिफारिस लिने गरेका छन् ।

वीर कर्मचारीहरूले समायोजन भइसकेकाहरू काममा फर्किनका लागि जटिल रोग लागेको भन्दै वीर अस्पताल मेडिकल बोर्डबाट नक्कली सिफारिस बनाइ मन्त्रालयमा पेस गरेका थिए ।

कर्मचारी समायोजन ऐनको दफा ८ मा समायोजनको आधारका बारेमा व्याख्या गरिएको छ । दफा ८ को ४ मा उल्लेख छ-‘माथि जेसुकै लेखिएको भएता पनि नेपाल मेडिकल बोर्डले कडा र जटिल रोग लागेको भन्ने सिफारिस गरेको अवस्थामा सम्बन्धित मन्न्त्रालयले कर्मचारीले रोजेको ठाउँमा राख्न सक्छ ।’

एक कर्मचारीका अुनसार अस्पतालका कर्मचारीहरूले समायोजन हुँदा प्रदेश तथा स्थानीय तहमा समायोजन भएर गएकाहरूले संघमै रहनका लागि कीर्ते मेडिकल बोर्डको नक्कली कागजपत्र बनाउने गरेको पाइएको हो ।

हाल उनीहरू वीर अस्पतालको भन्सार भनेर चिनिने स्टोर र खरिद विभागमा बसेर भ्रष्टाचार गरिरहेको खुल्न आएको छ ।

कर्मचारी समायोजन ऐनको दफा ८ मा समायोजनको आधारका बारेमा व्याख्या गरिएको छ । दफा ८ को ४ मा उल्लेख छ-‘माथि जेसुकै लेखिएको भएता पनि नेपाल मेडिकल बोर्डले कडा र जटिल रोग लागेको भन्ने सिफारिस गरेको अवस्थामा सम्बन्धित मन्न्त्रालयले कर्मचारीले रोजेको ठाउँमा राख्न सक्छ ।’

ऐनको यो बुँदालाई आधार मानी मेडिकल बोर्डबाट रोगै नलागे पनि कडा रोग लागेको सिफारिस गराउँदै कर्मचारीहरू समायोजन भएका स्थानीय तहमा हालसम्म पनि गएका छैनन् ।

चिनेको चिकित्सकबाट कडा रोग लागेको प्रेस्क्रिप्सन बनाउने र त्यही पेस गरी मेडिकल बोर्डबाट कागज बनाएर खटाएको ठाउँमा नजाने प्रवृत्ति देखिएको छ ।

तन्दुरुस्त र कुनै रोग नलागेका कर्मचारीले पनि बोर्डबाट सिफारिस पेस गरेका छन् । बोर्डबाट कडा रोग लागेको सिफारिस गराइदिने बिचौलियाहरूको संजाल वीर अस्पतालमै छ ।

बोर्डबाट उक्त सिफारिस बनाइदिएबापत बिचौलियाले प्रतिब्यक्ति ३ देखि ३ लाख ५० हजार रूपैयाँ सम्म लिने गरेको छन् ।

वीर अस्पतालका निर्देशकको अध्यक्षतामा रहेको तीन सदस्यीय बोर्डले क, ख र ग गरी तीन किसिमका सिफारिस गर्दछ । ‘क’ वर्गको सिफारिस विदेश उपचारमा जानका लागि दिने गरिन्छ । ‘ख’ वर्गको सिफारिस जटिल रोग लागेकोले चिकित्सकको निगरानीमा बस्नुपर्ने भन्ने हुन्छ । ‘ग’ वर्गमा आर्थिक सहायताका लागि सिफारिस गर्दछ ।

तीन सदस्यीय बोर्डबाट सिफारिस गरिएका ९५ प्रतिशत कर्मचारीको एकपटक पुनः जाँच गरेमा त्यो रोग लागेको नभेटिने मेडिकल बोर्डका हालका एक कर्मचारीले बताए । बोर्डमा निर्देशकसहित मेडिकल विभाग प्रमुख र सर्जरी विभाग प्रमुख रहन्छन् ।

बोर्डबाट सिफारिस भएकामध्ये १५ जनाभन्दा बढी वीरकै स्वास्थ्य समूहका कर्मचारी छन् ।

अस्पतालमा कार्यरत डिल्लीराम खनाल, डिल्लीराम आचार्य, युवराज सुवेदी, जीवनकुमार श्रेष्ठलगायतका कर्मचारीलाई मेडिकल बोर्डले कडा बिरामी भनी सिफारिस गरेको छ । वीर अस्पतालका १५ भन्दा बढी कर्मचारीले मेडिकल बोर्डबाट कडा रोग भनी सिफारिस बनाएको अस्पताल स्रोतको भनाइ छ ।

स्रोतका अनुसार यी स्वास्थ्यका कर्मचारीमध्ये ९५ प्रतिशत फर्जी बिरामी हुन् । ‘तन्दुरुस्त भएर पनि नक्कली बिरामी बनेकाहरूको पुनः एकपटक स्वास्थ्य जाँच गर्ने हो भने बोर्डको बदमासी छर्लङ्ग हुनेछ’ स्रोतले भन्यो ।

नक्कली सिफारिस लिने वीर अस्पतालका कर्मचारीहरूमा अहेव विष्णु फुयाल, सविता जोशी, टीकाराम पनेरु, युवराज सुवेदी, डिल्लीराम आचार्य, जीवनकुमार श्रेष्ठ, डिल्लीराम खनाल, अरुणकुमार महतो शंकर झालगायत छन् ।

यिनीहरू दैनिकरूपमा भक्तपुर, बालाजू, बूढानीलकण्ठजस्ता स्थानबाट पल्सर मोटरसाइकलमा कार्यालय आउँछन् । तर, जागिर चाहिँ कडा रोग लागेको भनेर खाइरहेका छन् ।

मेडिकल बोर्डबाट सिफारिस गरिएका ९५ प्रतिशत कर्मचारीको एकपटक पुनः जाँच गरेमा त्यो रोग लागेको नभेटिने मेडिकल बोर्डका हालका एक कर्मचारीले बताए । बोर्डमा निर्देशकसहित मेडिकल विभाग प्रमुख र सर्जरी विभाग प्रमुख रहन्छन् ।

उनीहरू दिनमा दशौंपटक वीर अस्पतालको चार तला उक्लने र झर्ने गर्दछन् । अस्पतालले आयोजना गरेको खेलकुद कार्यक्रममा पनि भाग लिन्छन् । तर, उनीहरूले कडा रोग लागेकाले डाक्टरको निगरानीमा रहनुपर्ने मेडिकल बोर्डको सिफारिस पेस गरेका छन् ।

स्थानीय तहमा नजान उनीहरूले यस्तो झूटो बिरामी भएको भन्दै ठगिरहेको अस्पताल प्रशासनका अधिकारीहरू बताउँछन् ।

वीर अस्पतालका अहेब टीकाराम पनेरुले ढाड खिइएको र लामो समयसम्म हिँड्न र उभिन नमिल्ने भनेर बोर्डबाट रिपोर्ट बनाएका छन् । स्रोतका अनुसार उनलाई सामान्य ढाड दुख्ने समस्या पनि छैन । उनी हरेक दिन वीर अस्पताल आउने-जाने गर्छन् ।

उनीहरूलाई सत्तारुढ नेपाली कांग्रेससम्बद्ध स्वास्थ्यकर्मी संघका अध्यक्ष रामजी घिमिरेले स्वास्थ्य मन्त्रालयको पहुँचमा वीर अस्पतालमै राखी मेडिकल स्टोरको जिम्मा दिएर राखेका छन् ।

पनेरु हाल विभिन्न मेडिकल व्यापारीसँग विभिन्न नाममा चन्दा उठाउने काममा सक्रिय छन् । उनीमाथि अहिले प्रधानमन्त्री कार्यालयमा कार्यरत दीपक भट्टको नाम लिँदै चन्दा उठाउने गरेको आरोप छ । अहेव पनेरु यतिसम्म छन् कि वीर अस्पतालकै निर्देशकलाई समेत टेर्दैनन ।

उनले वीर अस्पतालको सरसफाइको टेन्डर पनि आफूनिकटलाई दिलाएका छन् । अस्पतालको सुपरभाइजर आफ्नै व्यापारिक साझेदार मिनालाई बनाएका छन् । उनी सरसफाइको सुपरभाइजर पनि बनाइएकी छन् ।

केही दिनपहिले अस्पतालले सुरक्षा गार्डको टेन्डर आव्हान गरेको थियो । पनेरुले २५ लाख कमिसन लिएर आफूनिकटलाई दिन अस्पताल प्रशासनलाई दबाब दिएको भन्दै विरोध भयो ।

आफूनिकटलाई दिन नपाएपछि उनले सो ठेक्का नै रद्द गराए । पनेरूले त्यति मात्र होइन अस्पताल फार्मेसीमा म्याद सकिन लागेको ९० लाखको औषधी बिनाआदेश मगाएर म्याद सकिएपछि सो औषधीलाई फिर्ता नगरी अस्पताल निर्देशक र प्रशासन लेखा प्रमुखसँग मिलेर व्यापारीलाई पैसा तिर्नुपर्छ भनेर दबाब दिन थालेका छन् ।

वीर अस्पतालका अहेब टीकाराम पनेरुले ढाड खिइएको र लामो समयसम्म हिँड्न र उभिन नमिल्ने भनेर बोर्डबाट रिपोर्ट बनाएका छन् । स्रोतका अनुसार उनलाई सामान्य ढाड दुख्ने समस्या पनि छैन । उनी हरेक दिन वीर अस्पताल आउने-जाने गर्छन् । उनीहरूलाई सत्तारुढ नेपाली कांग्रेससम्बद्ध स्वास्थ्यकर्मी संघका अध्यक्ष रामजी घिमिरेले स्वास्थ्य मन्त्रालयको पहुँचमा वीर अस्पतालमै राखी मेडिकल स्टोरको जिम्मा दिएर राखेका छन् ।

टेन्डर नदिएको र मेडिकल स्टोरमा अनियमता गर्न उपसचिवले रोकेका कारण उनी अहिले अस्पतालका उपसचिव सागर मिश्रको सरुवा गर्न लागेको अस्पताल स्रोत बताउँछन् ।

उनलाई नक्कली मेडिकल बोर्ड सिफारिस बनाएको भन्दै कारबाहीको लागि प्रधानमन्त्री, स्वास्थ्य मन्त्रालय, र अख्तियारमा समेत उजुरीसमेत पारेको छ । उनी अहिले अस्पताल मेडिकल स्टोर प्रमुख छन् । उनले स्वास्थ्य मन्त्रालय र स्वास्थ्य विभागबाट अनुदानमा आउने औषधी र उपकरणहरूको बिल बनाएर करोडौं रकम भ्रष्टाचार गरेको स्टोरका कर्मचारीहरू बताउँछन् ।

अस्पतालमा तलवबाहेक ५० प्रतिशत भत्ता पाइने लोभमा दरबन्दी नै नभएको ठाउँमा पनि बोर्डको सिफारिस बनाएर उनीहरू बस्न खोजेको स्रोतको दाबी छ ।

अहेव पनेरुले नेपाली कांगेस महाधिवेशनलाई भनेर पनेरुले व्यापारीसँग लाखौं उठाएर खाएको वीर अस्पतालका कांग्रेसनिकट स्वास्थ्य कर्मचारीको आरोपसमेत छ ।

उनीमाथि कोभिड भ्यासिन लगाउँदा पैसा लिएर वनस्थलीको अर्किड क्याफेबाट खोप लगाउने गरेको उजुरीसमेत छ ।

उनलाई अघिल्लो कार्यकालमा सामाजिक एकाइमा रहँदा विभिन्न नर्सिङ कलेजसँग पैसा लिँदै तालिम गराउन दिएको, बीमाको रकम अनियमिता गरेको पनि आरोप लागेको थियो ।

अस्पतालमा तलवबाहेक ५० प्रतिशत भत्ता पाइने लोभमा दरबन्दी नै नभएको ठाउँमा पनि बोर्डको सिफारिस बनाएर उनीहरू बस्न खोजेको स्रोतको दाबी छ ।

अस्पतालमा ९ जनामात्र अहेवको दरबन्दी छ । तर, हाल ३६ जना कार्यरत छन् उनलाई रमाना दिन अस्पतालमा आवाज बुलन्द भएको छ तर अस्पतालले भने हालसम्म पनेरुलाई रमाना दिएको छैन ।