कांग्रेसको अल्पसंख्यक कोटामा दोब्बर बढी मतान्तरमा सुनुवार विजयी
नेपाल प्रेस
२०७८ पुष ५ गते १८:०५
काठमाडौं । नेपाली कांग्रेसको अल्पसंख्यक तर्फको केन्द्रीय सदस्यमा प्रदीप सुनुवार विजयी भएका छन् ।
आज सकिएको मतगणनामा उनले प्रतिद्वन्दी टिकाराम लेप्चालाई दोब्बर बढी मतान्तरले पराजित गरेका हुन् ।
सुनुवारले २१७१ मत प्राप्त गर्दा लेप्चाले ९८९ मत पाए ।
दुई कार्यकाल ओखलढुंगा कांग्रेसको जिल्ला सभापति भएका सुनुवार २०७४ सालको प्रदेशसभा निर्वाचनमा उम्मेदवार थिए ।
उनी साबिक खिजीफलाँटे गाविसको अध्यक्ष समेत भएका थिए ।
सुनुवार समुदायको उल्लेख्य बसोबास रहेको ओखलढुंगामा एमालेबाट यज्ञराज सुनुवार जिल्ला अध्यक्ष, सांसद हुँदै केन्द्रीय सदस्य बनेका छन् ।
कांग्रेसमा भने सुनुवार समुदायबाट केन्द्रीय समितिमा पुग्ने प्रदीप सुनुवार पहिलो हुन् ।
नेपाल प्रेस
प्रकाशित: २०७८ पुष ५ गते १८:०५
प्रतिक्रिया
सम्बन्धित खवर
