कांग्रेस निर्वाचन : मधेशी महिलातर्फ चार केन्द्रीय सदस्य निर्वाचित

काठमाडौं । नेपाली कांग्रेसको १४ औं महाधिवेशन अन्तरगत अहिले पनि केन्द्रीय सदस्यहरुको मतगणना जारी रहेको छ । पछिल्लो परिणाम अनसार मधेशी महिलातर्फ चारजना निर्वाचित भएका छन् ।

कांग्रेसको केन्द्रीय निर्वाचन समितिका अनुसार मुक्ताकुमारी यादव तीन हजार ९६९, मिनाक्षी झा तीन हजार १२, मञ्जुकुमारी यादव दुई हजार ८८३ र नागिना यादव दुई हजार ८४६ मत ल्याएर विजयी भएका हुन् ।

गत मंसिर २७ गते पदाधिकारीसहित १३४ पदका लागि भएको निर्वाचनको ७२ जनाको मत परिणाम सार्वजनिक भएको छ ।

समावेशीतर्फका बाँकी ६२ केन्द्रीय सदस्यको मत परिणाम पनि बुधबारसम्म सार्वजनिक गर्ने गरी मत गणना भइरहेको सचिव श्रेष्ठले जानकारी दिनुभयो ।