कांग्रेस प्रदेश २ : यस्तो बन्यो देउवा र निधी–कोइराला प्यानल

जनकपुरधाम । नेपाली कांग्रेस प्रदेश २ मा कृष्णा यादव र रामसरोज यादवले अलग—अलग प्यानल बनाएर चुनावी मैदानमा उत्रेका छन् ।

रामसरोज प्रदेश २ का भौतिक पूर्वाधार विकास मन्त्री हुन् । उनलाई विमलेन्द्र निधी र शेखर कोइरालाको समर्थन छ । रामचन्द्र पौडल पक्षका नेताहरु पनि उनको साथमा छन् ।

रामसरोजको प्यानलबाट उपसभापतिमा धनलाल ठोकर (रौतहट), र विनोद खनाल (सर्लाही) छन् । महामन्त्रीमा नरेश यादव (सिरहा) र हरेस महतो (सर्लाही)लाई राखिएको छ । सहमहामन्त्रीमा अरविन्द अमात्य (पर्सा), विनोद यादव (महोत्तरी) र निर्मला सुवेदी (बारा) छन् ।

रौतहटका कृष्णा यादव सभापति शेरबहादुर देउवाको सहयोगमा सभापतिमा भिडेका छन् । उनलाई जिताउन देउवालाई आफ्ना विश्वासिलो नेता गृहमन्त्री बालकृष्ण खाँडलाई जनकपुरमा सक्रिय पारेका छन् ।

यादवको प्यानलमा उपसभापतिमा बीरेन्द्र सिंह (सर्लाही) र चन्द्रशेखर यादव (बारा)लाई राखिएको छ । यस्तै महामन्त्री उपेन्द्र यादव (सिरहा) र वृहस्पतिकुमार श्रेष्ठ (पर्सा) छन् । सहमहामन्त्रीमा जयनारायण यादव (बारा), परशुराम चौधरी (सप्तरी) र रीता यादव (सप्तरी) भिडेका छन् ।