सम्मेलनलाई महाधिवेशन बनाइएपछि ब्यानर फेर्न भ्याइ-नभ्याइ, प्रज्ञामा यस्तो छ तयारी (तस्बिरहरु)
२०७८ पुष ११ गते ११:१८
काठमाडौं । प्रथम राष्ट्रिय सम्मेलनको तयारी गरी अन्तिम समयमा आठौं राष्ट्रिय महाधिवेशनमा रुपन्तरण गरिएपछि माओवादी केन्द्रलाई आजको कार्यक्रम व्यवस्थापन गर्न भ्याइ-नभ्याइ भएको छ ।
हिजो साँझ बसेको स्थायी समिति बैठकले महाधिवेशनमा रुपान्तरण गर्ने निर्णय गरे पनि माओवादीले लामो समयदेखि राष्ट्रिय सम्मेलनको प्रचार गरिरहेको थियो । सम्मेलन आयोजनास्थल प्रज्ञा भवन परिसरदेखि काठमाडौंका विभिन्न ठाउँमा सोही व्यहोराको ब्यानरसहित प्रचार गरिएको थियो ।
अन्तिम समयमा कार्यक्रमको नाम नै परिवर्तन भएपछि सबैतिरको प्रचार सच्याउन माओवादी कार्यकर्तालाई भ्याइ नभ्याइ देखिएको छ ।
महाधिवेशनस्थल प्रज्ञा भवनमा मुख्य प्रवेशद्वारदेखि भित्र कार्यक्रम स्थलमा पनि महाधिवेशनको ब्यानर लगाइएको छ ।
प्रकाशित: २०७८ पुष ११ गते ११:१८
प्रतिक्रिया
सम्बन्धित खवर
