माओवादी महाधिवेशन : प्रज्ञामा बन्दसत्रको चहलपहल (तस्बिर/भिडिओ)

काठमाडौं । नेकपा (माओवादी केन्द्र) को आठौं महाधिवेशनअन्तर्गत केहीबेरमा बन्दसत्र सुरू हुँदैछ । माओवादीको महाधिवेशन आइतबारदेखि जारी छ ।

बिहान ११ बजेदेखि तय गरिएको बन्दसत्रमा अध्यक्ष पुष्पकमल दाहाल ‘प्रचण्ड’को राजनीतिक प्रतिवेदनमाथि सामूहिक छलफल हुनेछ । प्रतिनिधिहरू हलमा जम्मा हुन थालिसकेका छन् ।

स्वयंसेवकहरूले प्रतिनिधि कार्डको आधारमा प्रवेश अनुमति दिइरहेका छन् ।  देशभरबाट छानिएर आएका १६ सय बढी महाधिवेशन प्रतिनिधिहरु बन्दसत्रमा सहभागी हुनेछन् ।

महाधिवेशनले १५ पदाधिकारीसहित माओवादीको २९९ सदस्यीय केन्द्रीय नेतृत्व चयन गर्नेछ ।