रुपन्देहीमा एक युवती मृत भेटिइन्

रूपन्देही । रुपन्देहीमा एक युवती मृत अवस्थामा भेटिएकी छन् । मायादेवी गाउँपालिका-३ हर्नामपुरकी २३ वर्षीया सविता धोवी मृत भेटिएकी प्रदेश प्रहरी कार्यालयले जनाएको छ ।

घरबाट करिब १ सय मिटर पर खडवा नालाको किनारामा उनको शव भेटिएको र घटनाबारे अनुसन्धान भइरहेको प्रहरीको भनाइ छ ।

लुम्बिनीमा मृत भेटिएकी युवतीको सनाखत भएन

मायादेवी मन्दिरनजिकै युवतीको शव भेटिएको ६ दिनसम्म सनाखत भएको छैन । झाडीमा भेटिएकी अन्दाजी २० वर्षीया युवतीको पहिचानका लागि मातहतको प्रहरी युनिट र काउण्टर पार्ट युनिट भारतमा सूचना प्रवाह गरिएको रुपन्देही प्रहरी प्रवक्ता प्रहरी नायव उपरीक्षक नवरत्न पौडेलले बताए ।

मधेशी मूलकी युवतीको शव सिमापारी भारतीय नागरिकको हुनसक्ने प्रहरीको अनुमान छ ।