सिभिल सहकारी ठगी प्रकरण
इच्छाराजलाई पूर्पक्षका लागि थुनामा पठाउने जिल्ला अदालतको आदेश, १० जना छुटे
नेपाल प्रेस
२०७८ पुष १४ गते १९:२५
काठमाडौं । जिल्ला अदालत काठमाडौंले सिभिल ग्रुपका अध्यक्ष तथा एमालेका पूर्व सभासद इच्छाराज तामाङलाई पुर्पक्षका लागि थुनामा पठाउने आदेश दिएको छ ।
उक्त समूहका हालका अध्यक्ष केशवलाल श्रेष्ठ पनि जेल चलान भएका छन् भने पक्राउ परेका अन्य १० जना धरौटीमा रिहा भएका छन् ।
नेपाल प्रहरीको केन्द्रीय अनुसन्धान ब्यूरो (सीआइबी)ले सिभिल सहकारी ठगी प्रकरणमा अनुसन्धान सकेर सरकारी वकिलको कार्यालयमा फाइल बुझाएको थियो ।
जिल्ला सरकारी वकिल कार्यालयले जिल्ला अदालत काठमाडौंमा ठगी र संगठित अपराधमा मुद्दा दायर गरेको थियो ।
१५०३ निक्षेपकर्ताले सिभिल सहकारीमा जम्मा भएको रकम अपचलन भएको भन्दै ४२ जनाविरुद्ध उजुरी दिएका थिए ।
उनीहरुमध्ये १२ जनालाई पक्राउ गरिएको थियो । पक्राउ परेकामध्ये १ जना साधारण छारखेमा छुटेका छन् भने ९ जनालाई धरौटीमा छाडिएको छ ।
नेपाल प्रेस
प्रकाशित: २०७८ पुष १४ गते १९:२५
प्रतिक्रिया
सम्बन्धित खवर
