भोजपुरमा विपन्न विद्यार्थीलाई पोशाक र न्यानो कपडा वितरण

भोजपुर । सदरमुकामस्थित सरस्वती आधारभूत विद्यालय, पोखरेका विपन्न विद्यार्थीहरूलाई पोशाक र न्यानो कपडा वितरण गरिएको छ ।

विकास र सचेतनाका लागि सामाजिक संस्था (सोडा) भोजपुर र मानव अधिकार मञ्च नेपाल, इलामको सहकार्य तथा किन्नरमिसनरेक जर्मनीको सहयोगमा १० जना विद्यार्थीलाई विद्यालय पोशाक, ज्याकेट, जुत्ता-मोजालगायतका सामग्री बाँडिएको सोडाका अध्यक्ष नविन प्रधानले बताए ।

भोजपुर नगरपालिका-८ का अध्यक्ष गोपाल कार्कीमार्फत विद्यार्थीलाई सामान वितरण गरिएको हो ।

सोडाले विगत १८ वर्षदेखि बालबालिका, महिला, अपाङ्गता, सामाजिक परिचालन र सामुदायिक विकासलगायतको क्षेत्रमा कामहरू गर्दै आएको छ ।