घुन्सा फाउण्डेसनको स्वास्थ्य शिविरबाट ३ हजार बढीले लिए निःशुल्क सेवा

झापा । घुन्सा फाउन्डेसनको मुटुरोग सम्बन्धि स्वास्थ्य शिविरबाट तीनहजार बढीले निःशुल्क सेवा लिएका छन् ।

फाउण्डेसनकी संस्थापक यान्जोम शेर्पाले ६७ जनाको मुटुको गम्भीर रोग पत्ता लगाई निःशुल्क सल्यक्रियाको लागि सिफारिस गरिएको बताइन् ।

पूर्व प्रधामन्त्री केपी शर्मा ओलीले उद्घाटन गरेको शिविरमा विपन्नहरुलाई प्राथमिकता दिइएको थियो । शिविर सञ्चालनमा दमकका मेयर रोमनाथ ओली, उपमेयर गीता अधिकारी लगायतले सहयोग गरेका थिए ।

घुन्सा फाउण्डेसन, दमक नगरपालिका र विपन्नका लागि स्वास्थ्य नेपालको संयुक्त आयोजनामा शिविर भएको हो ।

शिक्षण अस्पताल मनमोहन कार्डियोथोरासिक भास्कुलर एण्ड ट्रान्सप्लाण्ट सेन्टरको प्राविधिक सहयोग रहेको शिविरमा प्रतिष्ठित चिकित्सकले मुटुको जाँच गरेका थिए ।