संविधान पक्षधर शक्तिबीच मेलमिलाप हुनुपर्छ : महामन्त्री थापा

काठमाडौं । नेपाली कांग्रेसका महामन्त्री गगन थापाले संविधान पक्षधर शक्तिबीच सहकार्य र मेलमिलाप आवश्यक रहेको बताएका छन् ।
राष्ट्रिय मेलमिलाप दिवसको सन्दर्भमा सामाजिक सञ्जालमार्फत महामन्त्री थापाले संविधानको सफल कार्यान्वयन र लोकतन्त्रको संस्थागत विकासका लागि एकताबद्ध कांग्रेस आवश्यक रहेको बताएका हुन् ।

‘हामीले बनाएको संविधानको सफल कार्यान्वयन र लोकतन्त्रको संस्थागत विकासका लागि संविधानका पक्षधर राजनीतिक शक्तिबीचको सहकार्य र मेलमिलाप आजको आवश्यकता हो । सुदृढ र एकताबद्ध कांग्रेसले मात्र त्यो आवश्यकता अनुरूपको जिम्मेवारी पूरा गर्नसक्छ’, थापाले भनेका छन् ।

उनले कांग्रेसको हालै सम्पन्न महाधिवेशनमा दु:खेका मनहरूलाई टाल्दै पार्टीलाई एकताबद्ध बनाउनुपर्ने समेत उल्लेख गरेका छन् ।