निर्वाचन प्रक्रिया सुरु, मतदाता नामावली प्रकाशन (सूचीसहित)

काठमाडौं । नेकपा (माओवादी केन्द्र) को ८ औं महाधिवेशन अन्तरगत निर्वाचन प्रक्रिया सुरु भएको छ ।

सहमतिबाट नै केन्द्रीय सदस्यको टुंगो लगाउने प्रयास अनुसार प्रदेशगत छलफल जारी रहेको बेला माओवादी केन्द्रको केन्द्रीय निर्वाचन आयोगले प्रक्रिया भने सुरु गरेको हो ।

निर्वाचन समितिले १ हजार ७४२ जनाको नामावली सार्वजनिक गरेको छ ।

सार्वजनिक नाम अनसार माओवादी महाधिवेशन आयोजक समितिमा १८५, केन्द्रीय सल्लाहकार १४८, जेष्ठ कम्युनिष्ट मञ्चबाट ११६ जना रहेका छन् ।

यस्तै विभिन्न आयोगहरु निर्वाचनबाट २२, लेखाबाट, १४, अनुशासनबाट १६ जना रहेका छन् ।

यसैगरी केन्द्रीय प्रतिनिधि ३७, विभागबाट ९५, प्रदेश नम्बर १ बा ११२, प्रदेश नम्बर २ बाट १३२, बागमती प्रदेशबाट १३३, गण्डकी प्रदेशबाट ७८ र कर्णाली प्रदेशबाट ९३ रहेका छन् ।

यसैग्री लुम्बिनीबाट ११२, सुदूरपश्चिमबाट ८८, सम्पर्क समन्वयबाट ५०, उपत्यका विशेष प्रदेशबाट ४६, प्रवाशबाट ३९, पूर्व पीएलएबाट ४८, पार्टी एकताबाट आएका ३० र मनोनित १४८ जना मतदाता रहेका छन् ।

माओवादीको विधानअनुसार महाधिवेशन प्रतिनिधिहरुले २९९ सदस्यीय केन्द्रीय कमिटी निर्वाचित गर्नेछ । उक्त निर्वाचित कमिटीले अध्यक्षसहित १५ सदस्यीय पदाधिकारी निर्वाचित गर्ने छ ।

अहिले सहमति जुटाउन समूहगत छलफल जारी रहेको छ ।