कोटा घटाएको भन्दै माओवादीका दलित प्रतिनिधिको विरोध

काठमाडौं । केन्द्रीय कमिटीमा आरक्षण सिट घटाएको भन्दै माओवादीका दलित प्रतिनिधिले विरोध जनाएका छन् ।

८औं महाधिवेशनको निर्वाचन प्रक्रिया सुरू हुन लाग्दा आफूहरूको आरक्षित प्रतिशत बढाउन उनीहरूले माग गरेका हुन् । पहिले विधानमा १५ प्रतिशत प्रतिनिधित्व हुने भनिए पनि त्यसलाई ७ प्रतिशतमा झारिएको भन्दै दलित प्रतिनिधिहरूले सामूहिक हस्ताक्षर संकलन गरिरहेका छन् ।

१५ प्रतिशत नै कायम हुनुपर्ने मागसहित अध्यक्ष प्रचण्ड र अध्यक्ष मण्डललाई ग्यापन पत्र बुझाउने तयारी भइरहेको एक नेताले बताए ।