प्रदेश १ को चुनावमा निर्णायक मानिएको राप्रपाले उठायो आफ्नै उम्मेदवार
नेपाल प्रेस
२०७८ पुष २० गते १६:३७
काठमाडौं । राष्ट्रिय प्रजातन्त्र पार्टीले राष्ट्रियसभा सदस्यका लागि प्रदेश १ बाट दुईजना उम्मेदवारको मनोनयन गराएको छ ।
राप्रपाले मंगलवारमात्र मनोनित भएका केन्द्रीय सदस्य अम्बरबहादुर विष्ट र रन्जु प्याकुरेललाई उम्मेदवार बनाएको हो ।
प्याकुरेल राप्रपाको विर्तामोड नगर कमिटी अध्यक्ष हुन् । विष्ट पनि झापाकै नेता हुन् । राप्रपा अध्यक्ष राजेन्द्र लिङदेनको गृहजिल्ला झापामा राप्रपाले दुईवटा गाउँपालिका जितेको छ ।
प्रदेशसभामा समेत एक सदस्य रहेको राप्रपासँग कुल ३ सय मतभार छ ।
राप्रपाले यसपटक आफ्नै उम्मेदवार खडा गरेर अन्य दलसँग सौदा गर्न खोजेको छ । एमाले र सत्ता गठबन्धनको मत लगभग हाराहारीमा रहेकाले राप्रपाको निर्णायक मत छ।
नेपाल प्रेस
प्रकाशित: २०७८ पुष २० गते १६:३७
प्रतिक्रिया
सम्बन्धित खवर
