अमेरिकामा एकैदिन १० लाख ८० हजार कोरोना संक्रमित थपिए
नेपाल प्रेस
२०७८ पुष २१ गते ८:३१
एजेन्सी । अमेरिकामा एकैदिन १० लाख भन्दा बढी कोभिड संक्रमित थपिएका छन् । कोभिडको नयाँ भेरियन्ट ओमिक्रोन संक्रमण फैलिएसँगै कोभिड संक्रमित बढेका हुन् ।
सोमबार एकै दिन १० लाख ८० हजार संक्रमित थपिएको जोन्स हप्किन्स युनिभर्सिटीले जनाएको छ ।
युनिभर्सिटीका अनुसार संक्रमितमध्ये अधिकांशमा ओमिक्रोन भेरियन्ट देखिएको छ । संक्रमण फैलिए पनि अमेरिकामा विद्यालय, कलकारखाना र कार्यलय पहिलाजस्तै सञ्चालनमा छन् ।
पछिल्ला दिनमा कोभिडका कारण अस्पताल भर्ना हुनेको संख्या भने केही बढेको छ ।
नेपाल प्रेस
प्रकाशित: २०७८ पुष २१ गते ८:३१
प्रतिक्रिया
सम्बन्धित खवर
