कोरोनाका कारण माओवादी केन्द्रीय समिति बैठक सर्यो, पदाधिकारी चयन प्रक्रिया लम्बियो
नेपाल प्रेस
२०७८ पुष २३ गते १२:२६
काठमाडौं । नेकपा (माओवादी केन्द्र) को केन्द्रीय समितिको २५ गतेको बैठक स्थगित भएको छ । कोरोनाका कारण बैठक माघ ८ गतेसम्मलाई सारेको केन्द्रीय कार्यालय सचिव श्रीराम ढकालले जानकारी दिए ।
२५ गतेको बैठकमा पदाधिकारी चयन गर्ने बताइएको थियो । बैठक सरेसँगै अब पदाधिकारी चयन प्रक्रिया पनि ढिला हुने भएको छ ।
केन्द्रीय कार्यालयका धेरै कर्मचारीालई कोरोना संक्रमण भएपछि अध्यक्ष पुष्पकमल दाहाल ‘प्रचण्ड’ ले आफ्नो निवासमा हुने प्रत्यक्ष भेटघाट बन्द गरेका छन् ।
माओवादी केन्द्रीय कार्यालयका कार्यालय सचिव डोरप्रसाद उपाध्यायसहित ६ जना कर्मचारीलाई कोरोना संक्रमण भएपछि माओवादी केन्द्रीय कार्यालयसमेत बन्द गरिएको छ ।
नेपाल प्रेस
प्रकाशित: २०७८ पुष २३ गते १२:२६
प्रतिक्रिया
सम्बन्धित खवर
