तक्मे बुढाको फिल्म ‘आकाशे खेती’ को गीत ‘चिटिक्कै परेर आइछेउ’ रिलिज

काठमाडौँ । फिल्म ‘आकासे खेती’ को गीत ‘चिटिक्कै परेर आइछेउ’ इन्टरनेट रिलिज भएको छ । केही दिन अगाडि फस्टलुक पोस्टर रिलिज गरेको फिल्मले गीत लन्च गरेको हो । हरि उप्रेतीको शब्द, राजेशपायल राई, लोक पौडेल, अञ्जु पन्त र सुम्निमा इङ्नामको स्वर रहेको गीतमा विकास चौधरीको संगीत छ ।

गीतमा फिल्मका कलाकारहर गौरव पहारी, विल्सनविक्रम राई ‘तक्मे बुढा’, बुद्धी तामाङ ‘हैट’, नीता ढुङ्गाना, रविन्द्र झा, रमा लिब्बु लगायतको आकर्षक नृत्य देख्न सकिन्छ । गीतको कोरियोग्राफी राजिव सिंहको छ ।

फिल्म फागुन २७ गतेबाट सार्वजनिक प्रदर्शनमा आउँदैछ । उदय सुब्बाको निर्देशन रहेको फिल्ममा गौरव पहारी, तिब्बती शरणार्थीको कथावस्तुमाथि निर्माण भएको फिल्म सुब्बा निर्देशित १८ औंं चलचित्र हो । युवादेखि बृद्धसम्मका दर्शकको रुचिलाई ध्यानमा राखेर फिल्म निर्माण गरिएको निर्देशक सुब्बाले बताए ।

केदार उप्रेती, जीवन सुब्बा, राजेन्द्र चोङबाङ, दीलप्रकाश याक्सो निर्माता रहेको फिल्मको कथा निर्देशक आफैले तयार पारेका हुन् । फिल्मको सम्वाद भने कलाकार राईले लेखेका हुन् ।

एसएस इन्टरनेसनल फिल्मस् र तक्मे प्रोडक्सनको संयुक्त ब्यानरमा निर्माण भएको फिल्ममा बिक्रम डिसीको छायांकन, सुजन बडालको सम्पादन, राजु किराँतीको द्वन्द्व, रामजी लामिछाने र राजिव सिंहको नृत्य, विकास चौधरी र बादल लिम्बुको संगीत छ ।

हेर्नूस गीत :