दीपकले होस्ट गर्ने क्राइम थ्रीलर टिभी सिरिज ‘क्राइम प्याट्रोल’ प्रिमियर

काठमाडौं । टिभी सिरिज क्राइम प्याट्रोलको वर्ल्ड प्रिमियर गरिएको छ । शुक्रबार राजधानीको बिग मूभिजमा आयोजित कार्यक्रममा विशाल सापकोटा निर्देशित सिरिजको प्रथम प्रदर्शनी आयोजना गरियो ।

आगामी बुधबारदेखि ग्यालेक्सी फोरके टिभीमा क्राइम प्याट्रलको पहिलो सिजन प्रसारण हुने भएको छ । सिरिजलाई अभिनेता तथा निर्माता दीपकराज गिरीले होस्ट गर्ने भएका छन् ।

सिरिजबारे कार्यक्रममा गिरीले भने, ‘खोलभन्दा चाउचाउ स्वादिष्ट हुनुपर्छ । म खोलमात्र हुँ ।’ उनले आफू होस्टको रुपमा पर्फेक्ट नभएको बताउँदै सिक्नआएको बताए ।

निर्देशक सापकोटाले यो सिरिजले नेपाली टेलिभिजनको न्यारेटिभ (कथा वाचन शैली)मा परिवर्तन ल्याउने बताए । टेलिभिजनका प्रबन्ध निर्देशक र लामिछानेले गुणस्तरीय कार्यक्रम उत्पादन गर्न टिभी प्रतिबद्ध रहेको बताए ।

नेपाल प्रेससँग कुरा गर्दै अभिनेता तथा होस्ट दीपकराज गिरीले पहिलो सिजन मात्र होस्ट गर्ने बताए ।

‘त्यसपछि म फिल्मका काममा सक्रिय हुुन्छु र त्यसपछिको जिम्मा साथीहरुलाई दिनेछु’ उनले भने । क्राइम थ्रीलर सिरिजको रुपमा क्राइम प्याट्रल नेपाली टिभी दर्शकमाझ चर्चित छ ।