प्रधानमन्त्री कार्यालयका प्रवक्ता फेरिए, प्रवक्ताको जिम्मेवारी सहसचिव पन्थलाई

काठमाडौं । प्रधानमन्त्री तथा मन्त्रिपरिषद्को कार्यालयका प्रवक्ता फेरिएका छन् । यस अघि प्रवक्ताको जिम्मेवारीमा रहेका सहसचिव कृष्णबहादुर राउत राजपत्रांकित विशिष्ट श्रेणी अर्थात सचिवमा बढुवा भएपछि प्रवक्ताको जिम्मेवारी कार्यालयमा कार्यरत सहसचिव महादेव पन्थलाई दिइएको छ । यसअघि प्रवक्ताको जिम्मेवारीम रहेका राउत कार्यालको पूर्वाधार विकास महाशाखा प्रमुखको जिम्मेवारीमा थिए । राउतले करिव ६ महिना अघि कार्यालयको प्रवक्ताको जिम्मेवारी पाएका थिए ।

भर्खरै प्रवक्ताको जिम्मेवारी पाएका सहसचिव पन्थ प्रधानमन्त्री कार्यालयको प्रादेशिक समन्वय तथा योजना महाशाखा प्रमुखको जिम्मेवारी छन् । उनी २ महिना अघि मात्रै सामाजिक विकास मन्त्रालय लुम्बिनी प्रदेशबाट प्रधानमन्त्री तथा मन्त्रिपरिषद्को कार्यालयका सरुवा भएर आएका थिए ।