सञ्चारमन्त्री कार्कीको पीसीआर रिपोर्ट नेगेटिभ, शुक्रबारसम्म आइसोलेसनमै रहने

काठमाडौं । सरकारका प्रवक्ता एवं सूचना तथा सञ्चारमन्त्री ज्ञानेन्द्रबहादुर कार्कीको कोभिड १९ को पीसीआर रिपोर्ट नेगेटिभ देखिएको छ ।

उच्चस्तरीय राजनीतिक संयन्त्रको बैठकमा सहभागी हुने क्रममा ‘कन्ट्याक्ट ट्रेसिङ’मा परेपछि सञ्चारमन्त्री कार्की होम आइसोलेसनमा बसेका छन् ।

पहिलो रिपोर्टमा कोभिड नेगेटिभ देखिएपनि आफू अझै केहीदिन आइसोलेसनमै रहने मन्त्री कार्कीले बताएका छन् । उनले शुक्रबारसम्म सार्वजनिक भेटघाट नगर्ने जनाएका छन् ।

गठबन्धनको बैठकमा सहभागी माओवादी अध्यक्ष पुष्पकमल दाहाल ‘प्रचण्ड’लाई कोभिड पोजेटिभ देखिएपछि सत्तारुढ दलका अधिकांश नेताहरु आइसोलेसनमा बसेका छन् ।

प्रधानमन्त्री शेरबहादुर देउवा पनि आइसोलेसनमा रहेका छन् । लक्षण नदेखिएको कारण देउवाको पीसीआर परीक्षण भने गरिएको छैन ।