एमाले पर्वतमा चार दिनको कसरतपछि सबै पदमा निर्विरोध, पौडेल बने अध्यक्ष
नेपाल प्रेस
२०७८ पुष २६ गते १९:२७
पर्वत । चार दिन लामो कसरतपछि पर्वत एमालेमा सर्वसम्मत नेतृत्व चयन भएको छ ।
केन्द्रीय सदस्य तथा निवर्तमान अध्यक्ष पदम गिरी लगायतका नेताहरुको प्रयासपछि पदाधिकारी र सदस्यहरु सर्वसम्मत रुपमा चयन भएका हुन् ।
जिल्ला कमिटी अध्यक्षमा राजु पौडेल चयन भएका छन् । पौडेल अघिल्लो जिल्ला अधिवेशनमा पदम गिरीसँग पराजित भएका थिए । पौडेल महाशिला गाउँपालिकाको अध्यक्ष पनि हुन् ।
त्यस्तै उपाध्यक्षमा फलेबास नगरपालिकाका मेयर पदमपाणी शर्मा चयन भएका छन् । उनी यसअघि जिल्ला कमिटी सचिव थिए । कमिटीको सचिवमा गोविन्द पहाडी चयन भएका छन् ।
उपसचिवमा शिव पौडेल र बिमल लामिछाने चयन भएका छन् ।
नेपाल प्रेस
प्रकाशित: २०७८ पुष २६ गते १९:२७
प्रतिक्रिया
सम्बन्धित खवर
