एमालेका ५२ जिल्लामा नयाँ नेतृत्व चयन, यस्तो छ अहिलेसम्मको परिणाम (सूचीसहित)

नेपाल प्रेस

२०७८ पुष २७ गते १०:५४

काठमाडौं । नेकपा एमालेका जिल्ला अधिवेशन सुरू भएको पाँचौ दिन मंगलबार बिहानसम्म ५२ जिल्लाको नयाँ नेतृत्व चयन भएको छ । पछिल्लोपटक सिरहामा विन्देश्वर मण्डल सर्वसम्मत र ताप्लेजुङमा भुपेन्द्र थेबे निर्वाचनको प्रक्रियाबाट अध्यक्ष भएका छन् ।

आज दैलेख, कास्की, जाजरकोटलगायतका जिल्लामा मतदान हुँदैछ । सिन्धुपाल्चोक र चितवन जिल्लाको अधिवेशन उद्घाटन भएर पनि बन्दसत्र सुरू भएको छैन ।

केही जिल्लामा सहमतिका लागि भनेर अहिलेसम्म मतदान गरिएको छैन भने अध्यक्षमात्र सर्वसम्मत भएका जिल्लामा अन्य पदाधिकारी र सदस्य मतदानबाट चुनिएका छन् ।

जिल्ला अधिवेशनबाट प्रायः नयाँ अनुहार अध्यक्षमा आएका छन् ।

तत्कालीन नेकपा विभाजनपछि प्रचण्ड-माधव समूहतिर लागेका अध्यक्ष हटाएर बनाइएका तत्कालीन ओली पक्षका अन्तरिम अध्यक्षहरू नै प्रायः धेरै जिल्लामा निर्वाचनबाट आएका छन् । १० बुँदे सहमतिबाट एमालेमा रहेकामध्ये हालसम्म चुनावी प्रक्रियाबाट बागलुङका हिरा केसी र प्युठानका विजयविराज विष्ट निर्वाचित भएका छन् भने भोजपुरमा शरणकुमार राई सर्वसम्मत भएका छन् ।

अध्यक्षमात्र होइन पदाधिकारीमा पनि नयाँ युवाले प्रवेश पाएका छन् ।

यी हुन् हालसम्म निर्वाचित ५२ जिल्लाका अध्यक्ष :

प्रदेश १

१. झापा – दीपक कार्की

२. मोरङ – ऋषिकेश पोखरेल

३. खोटाङ – रामप्रसाद दंगाल

४. धनकुटा – इन्द्रमणि पराजुली

५. तेह्रथुम – तेजमान कन्दङवा

६ः पाँचथर – राजकुमार भण्डारी

७ः भोजपुर – शरणकुमार राई

८. इलाम- महेश बस्नेत

९. साेलुखुम्बु- डुफकुमार बास्ताेला