१० किलो चरेशसहित महिला पक्राउ
नेपाल प्रेस
२०७८ पुष २९ गते १३:४४
जनकपुरधाम । पर्सा प्रहरीले १० किलोग्राम लागुऔषध चरेशसहित एक महिलालाई पक्राउ गरेको छ ।
पक्राउ पर्नेमा रौतहटको पिपरीया परोवा नगरपालिका ९ घर भएकी ४२ वर्षीया रंजु देवी साह छन् ।
उनलाई बुधवार वीरगञ्ज महानगरपालिका १६ शंकराचार्य गेटबाटै नियमित चेकिङ टोलीले चरेशसहित पक्राउ गरेको जिल्ला प्रहरी कार्यालय पर्साले जनाएको छ ।
रक्सौलतर्फ पैदल जाने क्रममा शंका लागि प्रहरीलाई उनलाई चेकजाँच गरेको थियो ।
सो क्रममा प्याकेट बनाई आफ्नो ढाड र खुट्टामा पहेलो रंगको कपडाको डोरीले बाँधी अड्काई राखेको अवस्थामा चरेश भेटिएको प्रहरीको भनाई छ ।
उनीमाथि लागुऔषध सम्बन्धी कसूरमा अनुसन्धान अगाडि बढाइएको प्रहरीले जनाएको छ ।
नेपाल प्रेस
प्रकाशित: २०७८ पुष २९ गते १३:४४
प्रतिक्रिया
सम्बन्धित खवर
