एमाले बाराको अध्यक्षमा विनोद साह, पदाधिकारीसहित जिल्ला कमिटी सर्वसम्मत
नेपाल प्रेस
२०७८ पुष ३० गते ११:४४
काठमाडौं । नेकपा एमाले बारा जिल्ला कमिटीको दशौं अधिवेशनबाट अध्यक्षमा विनोदकुमार साह सर्वसम्मतरूपमा चयन भएका छन् ।
बुधबार महासचिव शंकर पोखरेलले उद्घाटन गरेको अधिवेशनको बन्दसत्रले अध्यक्षमा साहलाई चयन गरेको हो ।
बाराका प्रभावशाली नेता साह कलैया उपमहानगरपालिकाको मेयरमा झिनो मतले पराजित भएका थिए । कमिटीको उपाध्यक्षमा टीना सुवेदी, सचिवमा अध्यानन्द पाण्डे र उपसचिवमा भुलन चौधरी तथा अमृत शर्मा बजगाई चयन भएको एमालेले जनाएको छ ।
अधिवेशनले १३५ सदस्यीय जिल्ला कमिटी गठन गरेको छ ।
नेपाल प्रेस
प्रकाशित: २०७८ पुष ३० गते ११:४४
प्रतिक्रिया
सम्बन्धित खवर
