१० लाख बराबरको बिल बिनाका सामानसहित ६ जना ब्यक्ति पक्राउ

काठमाडौं । काठमाडौंको बागबजारबाट १० लाख बराबरको बिल बिनाका कोट, पाइन्ट, कुर्ता, सुरुवाल लगायतका कपडा फेला पारी ६ जना ब्यक्तिलाई प्रहरीले पक्राउ गरेको छ । महानगरीय प्रहरी परिसर काठमाडौंबाट खटिएको टोलीले कोट पाइन्टको कपडा ५५ थान र कुर्ता र सुरुवाल २ सय ८८ थानसहित उनिहरुलाई पक्राउ गरेको हो ।

कपडासहित उनीहरुलाई नियन्त्रणमा लिएर आवश्यक कारबाहीको लागि त्रिभुवन अन्तर्राष्ट्रिय बिमानस्थल भन्सार कार्यालयमा पठाइएको परिसरका प्रवक्ता प्रहरी उपरीक्षक (एसपी) दिनेशराज मैनालीले जानकारी दिए । उनका अनुसार महानगरीय प्रहरी परिसरको टोलीले गोप्य सूचनाको आधारमा पक्राउ गरेको हो ।