६३ जिल्लामा एमालेको नयाँ नेतृत्व, अधिवेशन हुन बाँकी यी हुन् १४ जिल्ला (सूचीसहित)
नेपाल प्रेस
२०७८ माघ ४ गते १४:५४
काठमाडौं । नेकपा (एमाले) को जिल्ला अधिवेशनबाट ६३ भौगोलिक र गैरभौगोलिक जिल्लामा नयाँ नेतृत्व चयन भएको छ ।
एमाले केन्द्रीय कार्यालयका अनुसार पर्सा, सिन्धुपाल्चोक, चितवन, दैलेख र मुगु गरी पाँच जिल्लामा अधिवेशन उद्घाटन भई नेतृत्व चयन र समापन बाँकी छ ।
त्यस्तै धनुषा, महोत्तरी, सर्लाही, मनाङ, मुस्ताङ, रुकुम पूर्व, रोल्पा, हुम्ला र बझाङ गरी नौ जिल्लामा अधिवेशनका मितिहरु कोभिङ–१९ महामारीको संक्रमणलाई मध्यनजर गर्दै तय गरिने बताइएको छ ।
बाँकी १४ जिल्लाबाट नेतृत्व आएपछि सबै जिल्लाले नयाँ नेतृत्व पाउने छन् ।
विद्यार्थी विशेष र उद्योग–व्यवसायी विशेष जिल्ला कमिटीका अधिवेशनहरु पनि पछि आयोजना गरिने भएको छ ।
मधेस प्रदेशबाहेक ६ वटै प्रदेश सम्पर्क कमिटीका अधिवेशनहरु पनि सम्पन्न भएको बताइएको छ ।
नेपाल प्रेस
प्रकाशित: २०७८ माघ ४ गते १४:५४
प्रतिक्रिया
सम्बन्धित खवर
