पेट्रोल, डिजेल र मट्टितेलमा ३ रुपैयाँ मूल्य बढ्यो
नेपाल प्रेस
२०७८ माघ ५ गते २०:२२
काठमाडौं । नेपाल आयल निगमले फेरि पेट्रोलियम पदार्थको मूल्य बढाएको छ ।
निगमले बुधबार रातिबाट लागूहुनेगरी पेट्रोल डिजेल र मट्टितेलमा ३ रुपैयाँ मूल्यवृद्धि गरेको हो ।
निगमले बढाएको मूल्य अनुसार पेट्रोल प्रतिलिटर १३९ रुपैयाँ पुगेको छ । यस्तै डिजेल १२२ र मट्टितेल १२२ रुपैयाँ पुगेको छ ।
निगमले आन्तरिक हवाई इन्धनको मूल्य पनि बढाएको छ । प्रतिलिट ५ रुपैयाँले बढेर हवाई इन्धन १०६ रुपैयाँ पुगेको छ । अन्तर्राष्ट्रिय हवाई इन्धनको मूल्य प्रति किलोलिटर १ सय अमेरिकी डलरले वृद्धि गरी ९९५ अमेरिकी कायम गर्ने निर्णय गरिएको छ ।
एलपी ग्यासको मूल्यलाई भने यथावत राखिएको निगमले जनाएको छ ।
नेपाल प्रेस
प्रकाशित: २०७८ माघ ५ गते २०:२२
प्रतिक्रिया
सम्बन्धित खवर
