काठमाडौं मेडिकल कलेजमा संयुक्त विद्यार्थी गठबन्धनको तालाबन्दी

काठमाडौं । महंगो शुल्क लिएको भन्दै सत्तारुढ गठबन्धन निकट विद्यार्थीले काठमाडौं मेडिकल कलेजमा तालाबन्दी गरेका छन् । आइतबार संयुक्त विद्यार्थी संगठनको बैठक बसी आन्दोलनको कार्यक्रम स्वरुप तालाबन्दी गरिएको हो ।

गठबन्धन आवद्ध नेपाल विद्यार्थी संघ, अखिल क्रान्तिकारी, एकीकृत समाजवादी निकट अनेरास्ववियू, समाजवादी विद्यार्थी युनियन, अखिल क्रान्तिकारी (नेत्रविक्रम चन्द्र र मोहन वैद्य) अखिल छैठौं र अखिल नेपाल विद्यार्थी युनियन ९नेकपा० ले संयुक्त रुपमा तालाबन्दी गरेका हुन् ।

महंगो शुल्कविरुद्ध काठमाडौं मेडिकल कलेज र नोबेल मेडिकल कलेज विराटनगरका विद्यार्थी गत मंसिर १९ गतेदेखि आन्दोलनमा छन् । उनीहरूको आन्दोलनप्रति संयुक्त विद्यार्थी संगठनसहित एमाले निकट अनेरास्ववियुले पनि ऐक्यवद्धता जनाउँदै आएको छ।

यसबीचमा समस्या समाधानका लागि शिक्षा मन्त्रीले मेडिकल संचालक, विद्यार्थी र अभिभावकसँग छलफल गरेपनि समस्या समाधान हुन सकेको छैन्।