२ सय ९० कार्टुन ‘रेड लेबल’ रक्सीसहित ४ जना पक्राउ

काठमाडौं । राजधानीको दुई स्थानबाट प्रहरीले दुई सय ९० कार्टुन’रेड लेबल’सहित चार जनालाई पक्राउ गरेको छ। पक्राउ पर्नेमा ३९ वर्षीय सन्तोष चन्द्र पोखरेल, ३० वर्षीय शैलेश पन्त, २८ वर्षीय रविन पाख्रिन र ४० वर्षीय नारायणप्रसाद घिमिरे रहेका छन् ।

महानगरीय प्रहरी अपराध महाशाखाको टोलीले सितापाइला र चाबहिलबाट रेड लेबलसहित अन्य मदिरा पनि बरामद गरेको छ।
महाशाखाका प्रवक्ता कृष्ण पंगेनीले राजस्व छलीको आशंकामा मदिरा नियन्त्रणमा लिइएको बताए।

‘स्टिकर नभएकाले राजस्व छली भएको आशंका हो। तर मदिरा सक्कली हो की नक्कली हो भन्ने यकिन हुन बाँकी छु,’ पंगेनीले भने।