‘ए’ डिभिजन लिग : स्थगित भएको च्यासल र पुलिसको खेल शनिबार हुने
नेपाल प्रेस
२०७८ माघ १७ गते १६:४१
काठमाडौं । सहिद स्मारक ए डिजिजन लिग अन्तरगत खेलाडीहरुमा कोरोना संक्रमण पुष्टि भएपछि स्थगित भएको नेपाल पुलिस क्लब र च्यासल क्लबबीचको खेल शनिबार हुने भएको छ ।
च्यासलका १९ जना खेलाडीमा कोरोना पुष्टि भएपछि यसअघि खेल स्थगित भएको थियो ।
खेलाडीमा कोरोना देखिएपछि च्यासलले अखिल नेपाल फुटबल संघ (एन्फा) लिग कमिटी खेल स्थगित गर्न आग्रह गरेको थियो ।
एन्फाकाअनुसार खेल दिउँसो १ बजे दशरथ रंगाशालामा हुनेछ ।
नवौं चरणको खेलहरु सकिँदा सविक विजेता मछिन्द्र फुटबल क्लब ४अंकको अग्रतासहित तालिकाको शीर्ष स्थानमा रहेको छ ।
यस्तै, पुलिस ८ खेलबाट ७ अंकसहित तालिको ११औं स्थानमा छ भने, च्यासल समान खेलबाट ५ अंकसहित रेलिगेशन क्षेत्रमा छ ।
नेपाल प्रेस
प्रकाशित: २०७८ माघ १७ गते १६:४१
प्रतिक्रिया
सम्बन्धित खवर
