दक्षिण अमेरिकाकै अग्लो चुचुरोमा यती एयरलाइन्सका अध्यक्ष शेर्पाले फहराए नेपालको झण्डा
नेपाल प्रेस
२०७८ माघ २० गते १३:२६
काठमाडौं । यती एयरलाइन्सका अध्यक्ष ल्हाक्पा सोना शेर्पाले अर्जेन्टिनाको सबैभन्दा अग्लो माउन्ट अकोन्कागुवा हिमालको सफल आरोहण गरेका छन् ।
६ हजार ९६२ मिटर उचाइको सो हिमाल दक्षिण अमेरिकाकै अग्लो हो । जनवरी २४ को विहान ११ बजेर ३० मिनेटमा उनले माउन्ट अकोन्कागुवाको शिखरमा पुगेर नेपालको राष्ट्रिय झण्डा फहराएका थिए ।
सोलुखुम्बका स्थायी बासिन्दा शेर्पाले हालसम्म विश्वका उच्चमध्येका ६ वटा हिमालको सफल आरोहण गरिसकेका छन् । अबको लक्ष्य सगरमाथा आरोहण गर्नु रहेको उनले बताएका छन् ।
थामसेर्कु ट्रेकिङ तथा पर्वतारोहण समूहका समेत प्रमुख रहेका शेर्पालाई यती यरलाइन्सले पछिल्लो सफल आरोहणका लागि बधाई दिएको छ ।
यो पनि हेर्नुस् :
यति समूहका अध्यक्षको पहिलो अन्तर्वार्ता- हाम्रो परिवारलाई ‘भिक्टिम’ बनाइयो, अब मुख खोल्छु
नेपाल प्रेस
प्रकाशित: २०७८ माघ २० गते १३:२६
प्रतिक्रिया
सम्बन्धित खवर
