कोभिडबाट क्यान्सर रोगीलाई जोगाउन मनीषा कोइरालाको आग्रह

काठमाडौं । अभिनेत्री मनीषा कोइरालाले कोरोनाभाइरस महामारीको यो कठिन समयमा क्यान्सर रोगीको जीवन बचाउनतर्फ जोड दिन नागरिक तथा सरकारलाई आग्रह गरेकी छिन् ।

क्यान्सर रोगीको रोग प्रतिरोधात्मक क्षमता कमजोर हुने भएकाले उनीहरुलाई स्याहार र पोषणयुक्त खानाको जरुरी हुने उनको भनाई छ ।

क्यान्सरविरुद्धको क्षेत्रमा कार्य गर्ने उत्तर भारतको एक सामाजिक संस्था क्यान सपोर्टलाई सघाउन गर्दै उनले एक भिडियो सन्देश पनि जारी गरेकी छिन् ।

क्यान्सर रोगीलाई कोभिड-१९ संक्रमणबाट जोगाउन आवश्यक रकम जुटाउन उक्त संस्थाले सुरु गरेको क्राउड फन्डिङलाई सघाउन पनि मनिषाको आग्रह छ ।

मनिषा स्वयम पनि क्यान्सर रोगलाई जितेकी हुन् । उनले यसअघि पनि नेपालमा क्यान्सर अस्पताल खोल्न र क्यान्सरविरुद्धको सामाजिक कार्यमा सघाउँदै आएकी छिन् । फेव्रुअरी ४ को दिनमा नेपालमा क्यान्सरविरुद्ध सचेतना दिवस पनि मनाइँदैछ ।