व्यावसायिक फुटबल खेल्न कप्तान किरण माल्दिभ्स प्रस्थान
नेपाल प्रेस
२०७८ माघ २० गते १६:२६
काठमाडौं । नेपाली राष्ट्रिय फुटबल टोलीका कप्तान तथा गोलकिपर किरण कुमार लिम्बु व्यावसायिक फुटबल खेल्न माल्दिभ्स प्रस्थान गरेका छन् ।
किरण माल्दिभ्सको शीर्ष डिभिजनको ‘धिवेही प्रिमियर लिग’ मा माजिया स्पोर्टस एण्ड रिक्रियसन क्लबबाट व्यवसायिक फुटबल खेलीरहेका छन् ।
किरण हालै सम्पन्न मोरिसससँगको दुई अन्तर्राष्ट्रिय मैत्रिपूर्ण खेल खेल्न नेपाल आएका थिए ।
पहिलो पटक अफ्रिकी राष्ट्रसँग खेलेको नेपालले दुवै खेलमा जित निकालेको थियो ।
दशरथ रंगाशालामा भएको पहिलो र दोस्रो दुवै खेलमा नेपालले मोरिससलाई १–० गोलको नतिजामा हराएको थियो । नेपालका लागि पहिलो खेलमा बिमल घर्ती मगर तथा दोस्रो खेलमा सुजल श्रेष्ठले निर्णायक गोल गरेका थिए ।
नेपाल प्रेस
प्रकाशित: २०७८ माघ २० गते १६:२६
प्रतिक्रिया
सम्बन्धित खवर
