सबा आजादसँगको डेटिङमा ऋतिक रोशन : बिदा मनाउन गोवामा

मुम्बई । पत्नीसँग डिभोर्सपछि अभिनेता ऋतिक रोशन सिंगल थिए । तर, यतिबेला उनको नाम ‘मुझसे फ्रेन्डसिप करोगे’ र ‘फिल्ज लाइक इस्क’ को-स्टार सबा आजादसँग जोडिएको छ ।

हातमा हात मिलाउँदै सार्वजनिक ठाउँमा हिँडेको देखिएपछि ऋतिक र सबाको सम्बन्धलाई लिएर अड्कलबाजी सुरु भएको छ । सार्वजनिक ठाउँमै डेट गरेको तस्बिर तथा भिडिओ भाइरल भएपछि फ्यानले यसबारे शंका र आशंका जनाएका छन् ।

रिपोर्टका अनुसार केही महिनादेखि यो जोडीले आफ्नो सम्बन्ध लुकाएर राखिरहेको थियो । मिडडेमा प्रकाशित रिपोर्टअनुसार सबा र ऋतिक पर्यटकीय थलो गोवामा बिदा मनाउन निस्किएका थिए ।

केही महिनाअघि पनि गोवामा सँगै देखिएपछि उनीहरुको मित्रतामा केही फुलिरहेको अड्कलबाजी चलेको थियो । सामान्य चिनजान हुँदै अघि बढेको उनीहरुको सम्बन्ध त्यसयता सम्पर्कमा रहिरह्यो ।

ऋतिकसँग डेट चलिरहेको भन्नेबारे एक ट्याब्लोइडले सबासँग सोधेपनि उनले उत्तर दिन अस्वीकार गरेकी थिइन् । बलिउड हंगामाका अनुसार केही समयदेखि उनीहरुले डेट गरिरहेपनि सम्बन्धलाई खुलाउन चाहेका छैनन् ।

ऋतिक स्टारर फिल्म विक्रम भेडाको रिमेक छायांकन सकिएको छ भने सोनीलाइभको लागि सबा आजादले गरेको रकेट ब्वाइज सिरिज सुटिङ सकिएको छ ।