राहदानी बनाइदिन्छु भन्दै ठगी गर्ने एकजना पक्राउ

काठमाडौं । राहदानी बनाइदिन्छु भन्दै रकम लिई ठगी गरेको आरोपमा एक जनालाई प्रहरीले पक्राउ गरेको छ ।

महानगरीय प्रहरी वृत्त कालिमाटीबाट सुनसरी इटहरी-५ संगमचोक बस्ने ३५ वर्षीय मनोज सापकोटालाई ठगी आरोपमा पक्राउ गरेको हो ।

उनले राहदानी बनाउन काठमाडौं आएका सर्लाही ईश्‍वरपुरका एक व्यक्तिलाई राहदानी बनाईदिने भनी १२ हजार रुपैयाँ लिएर सम्पर्कबिहीन भएका थिए ।

उनीलाई ठगी, आपराधिक विश्‍वासघात तथा आपराधिक लाभसम्बन्धी कसूरमा काठमाडौं जिल्ला अदालतबाट ५ दिन म्याद अनुमति लिई थप अनुसन्धान भइरहेको प्रहरीले जनाएको छ ।