सिन्धुपाल्चोक एमालेको नेतृत्व छनोट टुंगियोः अध्यक्षमा नेपाल, आचार्य सचिव

सिन्धुपाल्चोक । करिब एक महिना लामो प्रयासपछि सिन्धुपाल्चोक एमालेमा सर्वसम्मत नेतृत्व चयन भएको छ । अध्यक्षमण्डलले अध्यक्षमा कमल नेपालसहित पदाधिकारीको टुंगो  लगाएको हो । यद्यपि, अध्यक्षमण्डलले औपचारिकरुपमा घोषणा भने गरेको छैन ।

अध्यक्षमण्डलले उपाध्यक्षमा रामचन्द्र बस्नेत र उपसचिवमा शुशीला पाख्रिन र चिरन तामाङलाई चयन गरेको बताइएको छ ।

पुस २३ गते बाह्रविसेमा एमाले सिन्धुपाल्चोकको नवौं जिल्ला अधिवेशनको उद्घाटन भएको थियो । त्यसपछि विभिन्न कारण नेतृत्व चयन हुन सकेको थिएन ।

सिन्धुपाल्चोक एमाले अध्यक्षका लागि नेपालसहित केदार क्षेत्री, बालकृष्ण देउजा, होमनारायण श्रेष्ठ र डोल्मा तामाङले उम्मेदवारी दिएका थिए ।