पावर प्लेमा ओमानले ३ विकेट गुमाएर ४३ रन जोड्यो, नेपाली मिडियम पेसरको दबाब
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/09/Karan-Kc-vs-Oman.jpg)
काठमाडौं । चार देश सम्मिलित टी-२० अन्तर्राष्ट्रिय क्रिकेट शृंखलाको आफ्नो पहिलो खेलमा नेपाल अहिले ओमानसँग खेलिरहेको छ।
टस जितेर पहिला फिल्डिङ रोजेको नेपालविरुद्ध ओमानले ६ ओभरमा ३ विकेट गुमाएर ४३ रन जोडेको छ । सबै विकेट मिडियम पेसरले लिएका हुन् । अविनाश बोहरा, कमल सिंह ऐरी र आरिफ शेखले विकेट लिएका हुन् ।
ओमानले तेस्रो ओभरको अन्तिम बलमा प्रजापतीलाई अविनाशको बलमा गुमाएको हो । चौथो ओभरको पहिलो बलमै आरिफले अर्का ओपनर जतिन्दर सिंहलाई आउट गरे । आरिफले व्यक्तिगत पहिलो ओभरमै विकेट लिएका हुन् । कमलले छैटौँ ओभरको तेस्रो बलमा विकेट लिए ।
ओमानविरुद्ध उत्रदै नेपालका सागर ढकाल र विवेक यादबले टी-२० अन्तर्राष्ट्रिय क्रिकेटमा डेब्यू गरेका छन् ।
नेपाली टोलीको प्लेइङ-११ का अन्य सदस्यमा सन्दीप लामिछाने, ज्ञानेन्द्र मल्ल, आसिफ शेख, आरिफ शेख, दीपेन्द्रसिंह ऐरी, आरिफ शेख,कमलसिंह ऐरी, शरद भेषावकर र अविनाश बोहरा छन् ।
यसअघि टी-२० अन्तर्राष्ट्रिय क्रिकेटमा ओमानसँग एकपटक भिडेकामा नेपालले त्यसमा हार ब्यहोरेको थियो ।