शीतलनिवास पुगेर राष्ट्रपति किन भेटे शेखरले ?

काठमाडौं । राष्ट्रपति विद्यादेवी भण्डारी र नेपाली कांग्रेसका नेता डा. शेखर कोइरालाबीच भेटवार्ता भएको छ ।

राष्ट्रपति कार्यालय शीतलनिवासमा भएको भेटमा समसामयिक विषयमा छलफल भएको बताइएको छ । पछिल्लो समय राजनीतिक भेटवार्तालाई तीव्रता दिएका नेता कोइरालाले राष्ट्रपति भेट्नुलाई अर्थपूर्ण रुपमा हेरिएको छ ।

यद्यपि कोइरालाले भने राष्ट्रपतिसँग सामान्य शिष्टाचार भेट भएको जनाएका छन् ।

‘राष्ट्रपतिसँग पहिलेदेखि नै भेट्ने कुरा रहेछ । आज समय मिलेकोले सामान्य शिष्टाचार भेट गर्नुभएको हो । कांग्रेसको वरिष्ठ नेताले राष्ट्रपति भेट्नु स्वाभाविक हो नि’ , कोइरालानिकट एक नेताले नेपाल प्रेससँग भने ।

यसअघि नेकपा एमालेका अध्यक्ष केपी शर्मा ओली र सत्तारुढ घटक नेकपा माओवादी केन्द्रका अध्यक्ष प्रचण्डसँग शेखरले भेटेका थिए ।