एमसीसीका कारण नेपाललाई रणभूमि बनाउने पक्षमा हामी छैनौं : माधव नेपाल (भिडिओ)

काठमाडौं । नेकपा एकीकृत समाजवादी पार्टीका अध्यक्ष माधव कुमार नेपालले देशको अहित नहुनेगरी एमसीसी अगाडि बढाउन चाहेको बताएका छन् ।

नेपाललाई एमसीसीका कारण रणभूमि बनाउने पक्षमा आफूहरु नरहेको उल्लेख गर्दै नेता नेपालले देशको हितमा कुठाराघात नहुने गरी एमसीसीलाई अघि बढाउन आफूले चाहेको पनि बताएका हुन् ।

उनले भने, ‘जनताको भावनामा ठेस नपुग्नेगरी, देशको हितमा कुठाराघात नहुनेगरी र सबै मित्रराष्ट्रहरुसँग राम्रो सम्बन्ध कायम हुनेगरी हाम्रो समस्यालाई हाम्रो आफ्नै किसिमको परिवेशलाई अरुले पनि बुझिदिउन् भन्ने चाहाना राख्नेगरी हामी अगाडी बढ्न चाहिरहेका छौँ ।’

अध्यक्ष नेपालले कुनैपनि देशसँग आफूहरुको कटुतापूर्ण सम्बन्ध होस भन्ने नचाहेको उल्लेख गर्दै नेता नेपालले सबैसँग मित्रता भाव राखेर अगाडि बढ्न चाहेको उनले बताए । नेपाल असंलग्न परराष्ट्र नीतिलाई अवलम्वन गर्दै अघि बढ्न चाहेको पनि उनले बताए ।

अध्यक्ष नेपालले एमसीसीबारे फैलिएका आशंकाबारे अझै बुझ्नुपर्ने आवश्यक्ता रहेको दोहोर्‍याएका छन् ।