कांग्रेसको एकमहिने चुनावी अभियान- ‘घरघर जाऔं, कांग्रेस जिताऔं’
नेपाल प्रेस
२०७८ फागुन ३ गते १७:२५
काठमाडौं । नेपाली कांग्रेसले ‘घरघर जाऔं कांग्रेस जिताऔं’ अभियान घोषणा गरेको छ ।
पार्टीका सबै संरचनालाई स्थानीय निर्वाचनमा केन्द्रीत गर्ने निर्णय गर्दै कांग्रेस कार्यसम्पादन समितिको बैठकले अभियान घोषणा गरेको हो ।
कांग्रेस प्रवक्ता डा. प्रकाशशरण महतका अनुसार आगामि फागुन २० देखि चैत २० गतेसम्म देशैभरी सो अभियान सञ्चालन हुनेछ ।
‘हामीले स्थानीय निर्वाचन लक्षित अभियान गर्ने निर्णय गरेका छौं । यो अभियानको नाम घरघर जाऔं , कांग्रेस जिताऔं हुनेछ’, महतले भने ।
बैठकले स्थानीय निर्वाचनको घोषणापत्र लेख्ने लगायतका आवश्यक समिति परामर्शमा गठन गर्ने अधिकार सभापति शेरबहादुर देउवालाई दिएको छ ।
नेपाल प्रेस
प्रकाशित: २०७८ फागुन ३ गते १७:२५
प्रतिक्रिया
सम्बन्धित खवर
