संयुक्त राजनीतिक दलित संघर्ष समितिकाे संयोजकमा मीन विश्वकर्मा

काठमाडौं । संयुक्त राजनितिक दलित संघर्ष समिती पुनर्गठन भएको छ । प्रमुख राजनितिक दलका दलित भ्रातृ तथा जनवर्गीय संगठनको प्रमुख एवम प्रतीनिधीको सहभागितामा मंगलबार राष्ट्रिय महिला आयोगकाे हल भद्रकालीमा भएको भेलाले नेपाली काँग्रेसका केन्द्रीय सदस्यमेत रहेका मीन विश्वकर्मालाई समितिको जिम्मेवारी दिएको हो । विश्वकर्मा नेपाली काँग्रेसको भातृ संगठन नेपाल दलित संघका अध्यक्षसमेत रहेका छन् ।

समितीको अवधारणा, आचारसंहिता निर्माण, तथा आगामी कार्यक्रमको कार्यदिशा तय गर्नका लागि सात सदस्यीय कार्यदल पनि गठन गरेकाे छ । कार्यदलकाे सदस्यमा डा.बुद्धी नेपाली, सरोज दिलु विश्वकर्मा, दीपक सोनी, रण बहादुर रम्तेल, शोभा सेन्चुरी, त्रीलोचन विश्वकर्मा र रुपा सुनार रहेका छन् । कार्यदलले १५ दिनमा प्रतिवेदन तयार गरेर समितिमा पेश गर्नेछ ।