कैलालीको लम्कीमा शंकास्पद वस्तु भेटियो, नेपाली सेना जाँदै
नेपाल प्रेस
२०७८ फागुन ४ गते ९:०५
कैलाली । कैलालीको लम्कीमा शङ्कास्पद वस्तु फेला परेको छ ।
लम्कीचुहा नगरपालिका वडा नं ३ स्थित पूर्वपश्चिम राजमार्गको धोबिनी खोलाको पुलमा कालो टेपले तार बाँधिएको प्रेसर कुकर फेला परेको प्रहरीले जनाएको छ ।
फेला परेको उक्त वस्तु बम हुनसक्ने शंका गरिएको छ । घटनास्थलमा नेपाली सेनाको टोली गइरहेको जिल्ला प्रहरी कार्यालय कैलालीका प्रहरी प्रवक्ता रविन विष्टले जनाएका छन् ।
एमसिसी सम्झौताविरुद्ध पाँच वटा कम्युनिस्ट पार्टी र एउटा मोर्चाले आह्वान गरेको नेपाल बन्दका दिन कैलालीमा शङ्कास्पद वस्तु फेला परेको हो ।
नेपाल प्रेस
प्रकाशित: २०७८ फागुन ४ गते ९:०५
प्रतिक्रिया
सम्बन्धित खवर
