एमसीसी आज टेबल नहुने, देउवाले बोलाए गठबन्धनको निर्णायक बैठक
नेपाल प्रेस
२०७८ फागुन ४ गते १२:३३
काठमाडौं । प्रतिनिधिसभाको आजको बैठकमा एमसीसी टेबल नगर्न सत्तारुढ गठबन्धनमा सहमति जुटेको छ ।
प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’बीच भएको छलफलमा एमसीसीबारे गठबन्धनभित्र निर्णायक छलफल गर्ने सहमति भएको बताइएको छ ।
‘आज एमसीसी टेबल नगर्ने , भोलि गठबन्धनको बैठक बस्ने र सहमतिका लागि अधिकतम पहल गर्ने निर्णय भएको छ’, बालुवाटारनिकट स्रोतले नेपाल प्रेससँग भन्यो ।
एमसीसीबारे छलफल गर्न विहीबार दिउँसो ३ बजे गठबन्धनका शीर्ष नेताहरूको बैठक बस्ने जनाइएको छ ।
नेपाल प्रेस
प्रकाशित: २०७८ फागुन ४ गते १२:३३
प्रतिक्रिया
सम्बन्धित खवर
